به گزارش رادیو حریت، رسانه وابسته به طالبان، مقامات تاجیکستان در دیدار با هیأت بلندپایه طالبان به ریاست محمد یوسف وفا، والی طالبان در بلخ، اعلام کرده‌اند که به مخالفان این گروه اجازه فعالیت در خاک تاجیکستان داده نخواهد شد. بر اساس این گزارش، دگرجنرال سیدموف سیدمومن ستاراویچ، وزیر استخبارات تاجیکستان، در نشست با هیأت طالبان در شهر دوشنبه گفته است: «به هیچ گروه یا فردی که هدفش بی‌ثبات‌سازی افغانستان باشد، اجازه فعالیت در تاجیکستان داده نمی‌شود.» این اظهارات در جریان سفر رسمی والی طالبان در بلخ به دعوت دولت تاجیکستان مطرح شده است؛ سفری که به گفته
