افغانستان

د چمن پرلت وهونکي: که حکومت مو غوښتنې و نه مني په چمن کې د ټاکنو بهير ته اجازه نه ورکوو

۲۶-۰۹-۱۴۰۲ 11:41 څرگندونې نشته

د سوېلي پښتونخوا په چمن ښار کې د يوې پوځې اډې مخې ته ۵۹ ورځې وړاندې د پاکستان حکومت د هغې پرېکړې په غبرګون کې د چمن ځایي خلکو له لوري پرلت پیل شو چې د سپین بولدک ـ چمن پر دروازه یې تګ راتګ په پاسپورټ او ویزه جبري کړ. د سوېلي پښتونخوا زرګونه وکړي چې پرلت يې وهلی په یوه خوله غوښتنه کوي او وايي په دغه دروازه د تګ راتګ پرمهال پاسپورټ او ویزه نه مني. د چمن پرلت وهونکي وايي تر څو چې د پاکستان حکومت د سپین بولدک ـ چمن پر دروازه د پاسپورټ

د شبږم ټولګي پای او نه پوره شوې هیلې

۲۶-۰۹-۱۴۰۲ 11:36 څرگندونې نشته

د ۱۴۰۲ م ښونیز کــــــــــــــــال پای ته ورسید دغه ښونیز کال پای ته رسیدو سره دوه کالــــــه تیر شول چې د نجونو له زده کړو منع شوې وې. دوه کاله وړاندې کله چې طالبان واک ته ورسیدل د نجونو پر زده کړو یې بندیزونه ولګاول د دې ډلې د مشر تر حکم پورې یې د ښوونځیو او پوهنتونونو بیا پرانیستل وځنډول اوس لومړي حکم له خبریدو دوه کاله تیرشوي لاهم د دوهم حکم په اړه کم خبر نشته ظاهرا د طالبانو مشر د ښوونځیو او پوهنتونونو د بیا پرانیستلو د حکم صادرولو ته لیوالتیا نه لري او دا کار

سلطان محمود او شاهنامې؛ فردوسي ولې له غزني څخه تش لاس راستون شو؟

۲۶-۰۹-۱۴۰۲ 11:32 څرگندونې نشته

موږ پوهیږو چې د فردوسي شاهنامه د سامانیانو په دوره کې پیل شوې وه، خو د غزنویانو د واکمنۍ پر مهال دا کار بشپړ شو. ویل کیږي چې د غزنوي سلطان محمود د فردوسي سره ژمنه کړې وه. چې د دې کار د پای ته رسیدو په صورت کې به هغه ته ۶۰۰۰۰ سرو زرو سکې د ډالۍ په توګه ورکړی. فردوسي د غزني سخاوت مندانه مرسته په ورته ژمنې سره طوس ته راستو شو او د شاهنامې هره برخه یې د غزنې دربارته په ستاینې سره پای ته ورسوله . سلطان محمود غزنوي دا برخې ولووستلې حتی یو

پاکستان له دغه هيواده د وتلو پر مهال د بې اسناده افغان کډوالو لپاره جریمه کمه کړه

۲۳-۰۹-۱۴۰۲ 11:56 څرگندونې نشته

پاکستان د چهارشنبې په ورځ اعلان وکړ چې د دغه هېواد کابینې لوېديځو هېوادونو ته د افغان کډوالو د ورتګ اړوند مقررات بدل کړي دي. د نوې لایحې له مخې هغه افغانان چې ویزه یا د اوسیدو نور قانوني اسناد نه لري د ۴۰۰ امریکايي ډالرو جریمې په ورکولو سره له دغه هیواده وتلی شي. تر دې وړاندې دغه جریمه ۸۳۰ ډالره وه. د اېکسپرېس تریبیون ورځپاڼې د راپور له مخې، د پاکستان د اطلاعاتو سرپرست وزیر مرتضی سولنګي په اسلام اباد کې په یوه خبري غونډه کې وویل چې د انوارالحق کاکړ په مشرۍ د دغه هېواد کابینې

د چمن پولیسو د چمن پرلت وهونکو پر کورونو چاپې وهلې

۲۳-۰۹-۱۴۰۲ 11:53 څرگندونې نشته

د چمن پرلت وهونکي وايي، له تېرې یوې اونۍ راهیسې د چمن ځايي پولیسو د پرلت د یو شمېر فعالو غړو پر کورونو چاپې پیل کړې، خو تر اوسه یې په دغو چاپو کې څوک نه دي نیولي. د سپین بولدک ـ چمن پر دروازه د پاسپورټ د جبري کېدو په غبرګون کې د پیل شوي پرلت نږدې دوه میاشتې په پوره کېدو دي. خو په دې وروستیو لسو ورځو کې د چمن ځايي امنیتي ادارو د چمن پرلت د فعالو غړو پر کورونو د شپې له خوا د دوی د نیولو په موخه چاپې پیل کړې دي. د

طالبانو روان کال د تېر کال په پرتله له روسيې څخه دوه برابره زیات تېل وارد کړي دي

۲۳-۰۹-۱۴۰۲ 11:51 څرگندونې نشته

د صنعتي معلوماتو له مخې؛ طالبانو د ۲۰۲۳ کال له جنورۍ څخه تر نومبر میاشتې ۱۷۶ زره ټنه مایع ګاز وارد کړي، چې د تېر کال دوه برابره زیاتوالی ښيي. روسیې د طالبانو حکومت په رسمیت نه دی پېژندلی؛ خو دا یو له هغو لومړنیو هېوادونو دی، چې واک ته له رسېدو وروسته یې له دغې ډلې سره سوداګریز تړونونه لاسلیک کړل. تېر کال دغې ډلې له روسیې سره د پټرول، ډیزل، ګازو او غنمو د رسولو تړون وروسته له هغه لاسلیک کړ، چې مسکو د طالبانو حکومت ته د توکو په اوسط نړۍوال نرخ کې د تخفیف وړاندیز

د لغمان ولایت د الیشنګ ولسوالۍ په ځنګلونو کې لګېدلی اور لا هم مړ شوی نه دی

۲۳-۰۹-۱۴۰۲ 11:50 څرگندونې نشته

د درېیو ورځو راهیسې د لغمان د الیشنګ ولسوالۍ له ځنګلونو د اور لمبې پورته کېږی؛ خو لا هم دغه اور نه دی مړ شوی. د الیشنګ ولسي خلک وايي، هغوی خپل ټول شته امکانات په کار اچولي او د اور د وژلو له پاره یې ولسي اشر هم کړی. خو لا هم له ځنګله څخه د اور لمبې پورته کېږي، دوی له طالبانو غواړي چې د اور وژنې ډلې سیمې ته واستوي چې د دغه زورور اور په وژلو کې ورسره مرسته وکړي. که څه هم چې تر دې مهاله هلته د اور د لګېدو لامل نه دی

د پاکستان سند ایالت ستره محکمه د افغان کډوالو د اېستلو پلان د لغوې لپاره رسېدنه کوي

۱۸-۰۹-۱۴۰۲ 12:09 څرگندونې نشته

د کډوالو له حقونو د دفاع یوه بنسټ ویلي چې د پاکستان سند ایالت ستره محکمه د بې اسناده افغان کډوالو د اېستلو د دوسیې په اړه رسېدنه کوي. د کډوالو لپاره د ګډ اقدام کمیټې د جمعې په ورځ په اېکس پاڼه لیکلي چې په دې اړه به محکمه د لیندۍ په ۲۱مه ترسره شي. د بې اسناده پناه غوښتونکو د اېستلو لپاره د پاکستان حکومت له اعلان وروسته، دغه کمېټه چې په کراچۍ ښار کې د پاکستاني وکیلانو او بشري حقونو فعالانو په ګډون جوړه شوې ده، په ځلونو یې د دغه بهیر د لغوه کولو لپاره

په هرات کې د سنې تعصب بیا را ژوندي کیدل؟

۱۸-۰۹-۱۴۰۲ 11:55 څرگندونې نشته

په هرات کې له څو مودې راهیسې شیعه عالمان په شکمن ډول وژل شوي دي . په تازه پیښه کې د تیرې جمعې په ورځ په موټرسایکل سپرو نامعلومو وسلوالو په برید کې د دوو دینې عالمانو په ګډون ۶ تنه وژل شوي او ټپیان شوي دي. تر دې وړاندې د دغه ښارپه دیارلسمه ناحیه کې د خادم حسین هدایتي او رجب اخلاقي په نومونو دوه نور دیني عالمان هم وژل شوي وه. البته د دې مخکې هم په د ښار ځای د عید محمد اعتمادي په نوم یو بل شیعه عالم د نامعلومو کسانو لخوا وژل شوي وه.

د امریکا له خوا د طالبانو پر دوو لوړ پوړو چارواکو بندیزونه؛ مجاهد: فشار راوړل د هېڅ ستونزې حل نه دی

۱۸-۰۹-۱۴۰۲ 11:53 څرگندونې نشته

د امریکا د مالیې وزارت د طالبانو امربالمعروف او نهي عن المنکر وزیر محمدخالد حنفي او د دې ډلې د علومو اکاډمۍ مشر فریدالدین محمود له بشري حقونو څخه د سرغړونې او د ښځو او نجونو د ځپلو په تور تحریم کړي دي. دغه وزارت د جمعې ورځ، د لیندۍ په ۱۷مه په یوې خبرپاڼه کې ویلي چې خالد حنفي له ۱۴۰۰ وروسته د بشري حقونو جدي سرغړونې کړې چې په کې قتل، تښتونه، په دورو وهل او د خلکو وهل ټکول شامل دي. د دغه وزارت په وینا د طالبانو د علومو اکاډمۍ مشر فریدالدین محمود له شپږم

کرن ډیکر: د طالبانو دوو تحریم شویو چارواکو د افغانستان نیمایي نفوس له خپلو حقونو بې برخې کړی

۱۸-۰۹-۱۴۰۲ 11:45 څرگندونې نشته

د افغانستان لپاره د امریکا سفارت شارژدافیرې کرن ډیکر د طالبانو امربالمعروف او نهي عن المنکر وزیر محمدخالد حنفي او د دې ډلې د علومو اکاډمۍ مشر فریدالدین محمود د بندیزونو په غبرګون کې وايي چې د طالبانو دغو دوو غړو د افغانستان نیمایي نفوس له خپلو حقونو بې برخې کړی دی. ډیکر د شنبې ورځ، د لیندۍ په ۱۸مه پر اېکس ټولنیزه پاڼه لیکلي چې حنفي او محمود په افغانستان کې د ښځو او نجونو پر وړاندې د بشري حقونو په جدي سرغړونو کې شریک دي. نوموړې ټینګار کړی چې امریکا به د طالبانو له دغو دوو لوړپوړي

د ویانا کنفرانس؛ «لارنقشه» یو مخ پر وړاندې ګام

۱۵-۰۹-۱۴۰۲ 13:59 څرگندونې نشته

د ویانا دریم کنفرانس پای ته ورسید. د دې غونډې اعلامیې « د یوه ډیموکراټیک سیاسي نظام د جوړېدو د اساسي بنسټونو په توګه په افغانستان کې د ډیموکراسۍ، بشري حقونو او ملي یووالي اصولو ته خپله ژمنتیا» تازه کړې ده. د دغې غونډې ګډونوالو د ملګرو ملتو پر چورلیز رول د ټینګار ترڅنګ، له دغه سازمانه غوښتي چې « د آزادۍ، سولې، ثبات، ډيموکراسۍ، بشري حقونو، د قانون د حاکمیت او د بشري مرستو د عادلانه وېش د دوام د تامین لپاره» عملي اقدامات ترسره کړي. له ترهګرۍ سره مبارزه او د بشري حقونو د سرغړونو ثبتېدل د

طالبان: د تدارکاتو کمیسیون د څلور میلیارده افغانیو په ارزښت ۱۸ بېلابېلې پروژې منظورې کړې

۱۵-۰۹-۱۴۰۲ 13:55 څرگندونې نشته

دغه منظورې شوې پروژې د طالبانو د دفاع، کورنیو چارو، مخابراتو او معلوماتي ټ‍کنالورۍ وزارتونو او د افغانستان د برېښنا شرکت او کابل ښاروالۍ په بېلابېلو برخو یادې شوې دي. د طالبانو د ریاست الوزرا له دفتره په خپره شوې خبرپاڼه کې راغلي چې، د چهار شنبې په ورځ د (لیندۍ ۱۵مه) د طالبانو د ریاست الوزرا اقتصادي مرستیال ملا عبدالغني برادر په مشرۍ د یادې ډلې د ملي تدارکاتو کمیسیون په غونده کې د څلور میلیاردو افغانیو په ارزښت ۱۸ پروژې منظور کړې. په خبرپاڼه کې ویل شوي چې په منظورو شویو پروژو کې د وردګو ولایت د

په هرات کې د طالبانو د والي له نظره د شیعه تعریف

۱۵-۰۹-۱۴۰۲ 13:48 څرگندونې نشته

وروسته له هغه چې طالبانو په افغانستان کې واک ترلاسه کړ یوه له هغو ټولنو څخه چې د دې ډلې لخوا له منځه ولاړه. او رد شوه د افغانستان شیعه ټولنه وه : طالبانو د جفعري فقهې جواز لغوه کړ . دوی په پوهنتونونو او ښوونځیو کې د جعفري فقهې په زده کړه کې بندیز ولګاوه. شیعه عالمانو ته اجازه نه ورکول کیده چې د افغانستان علماوو شورا او د ولایت علماوو شورا سره یوځای شي . حتی په هغه ولایتونو کې چې شیعه اکثریت لري دوی د حسیني د ماتم د مراسمو په ګډون د شیعه ګانو پر

د بښنې نړیوال سازمان: ښځې د اقتصادي او بشري ناورینونو څخه ډیرې اغېزمنې شوې دي

۱۵-۰۹-۱۴۰۲ 10:51 څرگندونې نشته

د بښنې نړیوال سازمان وايي، په افغانستان کې اقتصادي او بشري ناورین ښځې او نجونې سختې اغېزمنې کړي دي. دا په داسې حال کې ده چې طالبانو په ټولو نړیوالو ادارو او موسسو کې د ښځو پر کار بندیز لګولی دی. د بښنې نړیوال سازمان “د افغانستان د ښځو لپاره خبرې وکړئ” د ملاتړ کمپاین په دوام په اېکس ټولنیزه پاڼه د یوه پیغام په خپرولو سره ویلي چې، په افغانستان کې ښځې او نجونې تر ټولو ډیرې له اقتصادي ناورین څخه اغیزمنې شوې دي. دغه سازمان د خپل شپاړس ورځني کمپاین پر دوام دا ځل د ښځو د

ټربیون: افغان طالبانو د زیاتېدونکي فشار له امله د ټي‌ټي‌پي یو شمېر غړي ونیول

۱۵-۰۹-۱۴۰۲ 10:48 څرگندونې نشته

د اکسپرېس ټربیون د راپور له مخې باوري سرچینو ویلي، د طالبانو حکومت دغه کسان یوه ورځ وړاندې په کونړ ولایت کې نیولي دي. راپور کې راغلي:« په یو مهم پرمختګ کې، د افغانستان سرپرستې ادارې د تحریک طالبان پاکستان د ملاکنډ ډویژن اړوند درې قوماندانان او ۱۶ وسله‌وال نیولي دي.» دغه سرچینې د سه شنبې په ورځ اکسپرېس ټربیون ته ویلي، دغه کسان یوه ورځ وړاندې د کونړ په سرحدي سیمه کې نیول شوي وو. دغه ګام وروسته له هغه اخیسنل شوی، چې پاکستان پر افغان طالبانو فشارونه زیات کړي؛ چې د ټي‌ټي‌پي په وړاندې پرېکنده ګام واخلي.

پاکستان کې مېشت افغانان: د پاکستاني پولیسو ځورول تر حد ډېر شوي دي

۱۴-۰۹-۱۴۰۲ 13:13 څرگندونې نشته

په پاکستان کې مېشت افغانان په دغه هېواد کې د پولیسو له‌خوا له مزاحمتونو سرټکوي. دغه افغانان وايي:« نه یوازې دا چې له کوره بهر مو دروي او د اسنادو پوښتنه کوي؛ بلکې هره اونۍ وخت ناوخته د کورونه شاته راځي.» حاجي داوود چې د پاکستان په پلازمېنه کې مېشت دی، وایي:« د هرې اونۍ په اوږدو کې یو ځلې پولیس ماښام مهال زما د کور ور ټکوي او له ما د اسنادو غوښتنه کوي.» هغه وایي:« سره له دې چې ما په ځلونو خپل اسناد له دوی سره شریک کړي دي؛ خو بیا هم دوی بیاځلې زما اسناد

نن د جاپاني الاصله افغان بشرپاله تیتسو ناکامورا د وژنې څلور کاله پوره شول

۱۳-۰۹-۱۴۰۲ 11:51 څرگندونې نشته

جاپاني الاصله افغان بشرپال تیتسو ناکامورا څلور کاله مخکې د ننګرهار ولایت په مرکز جلال اباد ښار کې په همدې ورځ (د لیندۍ په ۱۳مه) د ناپیژنده کسانو له خوا ووژل شو. ډاکټر ناکامورا د افغانانو له خوا د ابادۍ اتل بلل کېده. په کاکا مراد مشهور جاپاني الاصله افغان ناکامورا شاوخوا شل کاله د هیواد په ختیځ بیا په ځانګړي توګه ننګرهار ولایت کې ډیر رغنیز کارونه ترسره کړي دي. د نوموړي وژنه په کور دننه او نړیواله کچه له پراخو غبرګونونو سره مل وه او تراوسه پورې هم د هغه کړنې په هیواد کې یادیږي. ناکامورا په

علي وزیر: پر ډیورنډ کرښه ازغن تار د هر پښتون په زړه کې ښخ دی

۱۳-۰۹-۱۴۰۲ 11:46 څرگندونې نشته

د پاکستان د قامي اسمبلۍ پخوانی غړی او د پښتون ژغورنې غورځنګ یو مخکښ مشر علي وزیر وايي، پر ډیورنډ کرښه د پاکستان له خوا تېر شوی ازغن تار د هر پښتون په زړه کې ښخ دی. نوموړی د دې تار تېرولو کې له پاکستان سره د امریکا پر مالي مرسته نیوکه کوي او وايي: «امریکا د ټولو بېماریو مور ده.» علي وزیر د یکشنبې په ورځ ډیورنډ کرښې ته څېرمه انګور اډه کې پرلت ته په وینا کې دا خبره وکړه. د چمن پرلت په څېر انګور اډه کې هم ځايي خلکو له نږدې ۱۸ ورځو راهیسې له

له پاکستانه د افغان کډوالو ایستل؛ درې لوړپوړي امریکايي چارواکي اسلام‌اباد ته سفر کوي

۱۳-۰۹-۱۴۰۲ 11:35 څرگندونې نشته

له پاکستانه د افغان کډوالو د ایستلو له امله د طالبانو او پاکستان ترمنځ د ترینګلتیا له زیاتېدو وروسته، ټاکل شوې چې درې لوړ پوړي امریکايي چارواکي اسلام‌اباد ته سفر وکړي. اېکسپرېس ټریبیون راپور ورکړی چې د نفوسو، کډوالو او کډوالۍ په چارو کې د امریکا د بهرنیو چارو وزارت مرستیاله جولیتا والس نویس به د دوشنبې ورځ، د لیندۍ په ۱۳مه اسلام اباد ته ورسېږي. نوموړې به تر پنجشنبې پورې د پاکستان په پلازمېنه کې پاتې شي. د افغانستان په چارو کې د امریکا ځانګړی استازی ټام وېسټ هم د اکتوبر په ۱۶مه اسلام‌اباد ته خپل سفر پیلوي.