خبرونه

په هلمند کې یو ۳۰ کلن سړی په دار ځړول شوی دی

۱۲-۱۱-۱۴۰۲ 12:54 څرگندونې نشته

په هلمند کې سیمه‌ییزې سرچینې وايي چې په دغه ولایت کې یو ۳۰ کلن سړی په دار ځړول شوی دی. سرچینو چهارشنبه د سلواغې پر ۱۱مه ویلي چې دا پېښه د هلمند د مارجې ولسوالۍ په مرکز کې شوې ده. سرچینې وايي چې دا کس د یوې مدرسې د خونې په چت کې راځړول شوی و. د دې پېښې انګیزه او څرنګوالی روښانه نه دی. طالبانو هم تر اوسه په دې اړه څه ویلي نه دي. دا په داسې حال کې ده چې نن د هرات په ګلران ولسوالۍ کې هم یو طالب وژل شوی و.

چین: طالبان هغه مهال په رسمیت پېژنو چې ټولګډونه حکومت جوړ کړي

۱۲-۱۱-۱۴۰۲ 12:53 څرگندونې نشته

د چین د ولسمشر شي ‌جین‌پېينګ له لوري د طالبانو د سفیر د باورلیک له منل کېدو وروسته د دغه هېواد د بهرنیو چارو وزارت ویلي چې طالبان هغه مهال په رسمیت پېژني چې ټولګډونه حکومت جوړ کړي او په افغانستان کې له ترهګرۍ سره کلکه مبارزه وکړي. د چین د بهرنیو چارو وزارت ویاند وانګ ونبین چهارشنبه د سلواغې پر ۱۱مه په یوې خبري ناسته کې ویلي چې د باورلیک منل یوه عادي ډيپلوماتیکه چاره ده. نوموړي زیاته کړې: «چین د افغانستان د دوست ګاونډي په توګه له افغانانو سره دوستانه بهرنۍ پالیسۍ ته ژمن دی او له

په هرات کې یو طالب وژل شوی

۱۲-۱۱-۱۴۰۲ 12:52 څرگندونې نشته

په هرات کې سیمه‌ییزې سرچینې وايي چې په دغه ولایت کې یو طالب وژل شوی دی. سرچینو چهارشنبه د سلواغې پر ۱۱مه ویلي چې دا طالب د هرات په ګلران ولسوالۍ کې په ډزو وژل شوی دی. د دغې پېښې لامل او انګیزه روښانه نه ده. طالبانو هم تر دا مهاله په دې اړه څه ویلي نه دي. دا په داسې حال کې ده چې دوه شپې وړاندې په دغه ولایت کې د طالب ځواکونو او ناپېژانده وسله‌والو ترمنځ نښته کې، یو طالب وژل شوی او څلور ملکیان ټپيان شوي و.

د ملګرو ملتونو امنیت شورا: القاعده په افغانستان کې اته نوې روزنیزې اډې جوړې کړې دي

۱۲-۱۱-۱۴۰۲ 12:50 څرگندونې نشته

د ملګرو متلونو د امنیت شورا د بندیزونو د تحلیل او څارنې ګروپ وايي چې د طالبانو او القاعدې ترمنځ اړیکې لاهم نږدې دي او دې شبکې په افغانستان کې اته نوي روزنیز کمپونه جوړ کړي دي. د ملګرو ملتونو د امنیت شورا د بندیزونو د تحلیل او څارنې ډلې چهارشنبه د سلواغې پر ۱۱مه په خپل خپاره کړي نوي راپور کې ویلي چې د القاعده شبکې څلور اډې په پروان، غزني، لغمان او روزګان ولایتونو کې دي او دې شبکې په پنجشېر کې د وسلو یو زېرمتون هم جوړ کړی دی. د دغه راپور پر بنسټ، طالبان هڅه

د طالبانو او خصوصي سکټور ترمنځ د دوه میلیارده افغانیو په ارزښت تړونونه لاسلیک شول

۱۲-۱۱-۱۴۰۲ 12:49 څرگندونې نشته

د طالبانو د ترانسپورټ او هوايي چلند وزارت له خصوصي سکټور سره د شاوخوا دوه میلیادره افغانیو په ارزښت د درېيو پروژو تړونونو د لاسلیک خبر وکړی دی. دغه وزارت د یوې خبرپاڼې په خپرولو ویلي دا تړونونه چهارشنبه د سلواغې پر ۱۱مه لاسلیک شوي دي. په دې پروژو کې د کابل په هوايي ډګر کې د پارکېنګ او انتظارخونې، د فاریاب د اقینې بندر د «تیرپارک» او د هرات د ګذرې ترمینل جوړول شامل دي. ورته مهال، بیا د قراردادي شرکت نوم نه دی یاد شوی. له بلې خوا د طالبانو د رییس‌الوزرا اقتصادي مرستیال ملاعبدالغني برادر اخوند

د چین ولسمشر د طالبانو د سفیر باورلیک ومانه

۱۱-۱۱-۱۴۰۲ 14:55 څرگندونې نشته

د طالبانو د بهرنیو چارو وزارت ویلي چې د چین ولسمشر شي جن‌پینګ په بیجینګ کې د طالبانو د سفیر باورلیک منلی دی. د دغه وزارت ویاند عبدالقهار بلخي سه‌شنبه د سلواغې پر ۱۰مه په خپله ایکس‌پاڼه کې لیکلي چې په بیجینګ کې د طالبانو د لوی سفیر او فوق‌العاده استازي په توګه د بلال کریمي باورلیک منل شوی دی. د نوموړي په خبره، کریمي د دغو تشریفاتو مراسمو په ترڅ کې د چین د بهرنیو چارو له وزیر وانګ‌يي سره هم لیدلي دي. دا په داسې حال کې ده چې څو ورځې وړاندې بلال کریمي خپل باورلیک د

د روڼتیا نړیوال سازمان: افغانستان له فساد سره د مبارزې په شاخص کې له ۱۵۰ څخه ۱۶۲ ته راښکته شوی

۱۱-۱۱-۱۴۰۲ 14:53 څرگندونې نشته

په هېواد کې د اداري فساد د کموالي په اړه د طالبانو د ادعا سره همماله، د روڼتیا نړیوال سازمان ویلي چې د طالبانو تر حاکمیت لاندې افغانستان له فساد سره مبارزه کې د شفافیت ۲۰ امتیازونه خپل کړي چې د ۱۸۰ هېوادونو په ډله کې یې ۱۶۲ ځای خپل کړی دی. د دغه بنسټ تازه راپور چې سه‌شنبه د سلواغې پر ۱۰مه خپور شوی راغلي، د ۲۰۲۲ کال په راپور کې افغانستان د شفافیت له اړخه د ۱۸۰ هېوادونو په ډله کې د شفافیت ۲۴ امتیازونه اخیستي و چې ۱۵۰ ځای یې خپل کړی و. د دغه راپور

امریکا: له طالبانو سره د چین اړیکې د واشنګټن تګلاره نه بدلوي

۱۱-۱۱-۱۴۰۲ 14:50 څرگندونې نشته

د امریکا د بهرنیو چارو وزارت ویاند مټیو مېلر د چین د ولسمشر شي جین پینګ له خوا د طالبانو د سفیر د باورلیک د منلو په غبرګون کې ویلي دي، چې له طالبانو سره د بیجینګ اوسنۍ اړیکې د طالبانو د رسمیت پېژندلو په برخه کې د دغه هېواد په تګلاره کې کوم بدلون نه راولي. مېلر د سه شنبې په شپه د سلواغې پر ۱۰مه، په یوه خبري کنفرانس کې له چینه وغوښتل چې د طالبانو د رسميت پېژندنې په اړه خپل دریځ روښانه کړي. هغه زیاته کړې: «یوازینی دلیل چې زه نه غواړم د طالبانو د

یونیسف: افغانستان د چاودېدونکو توکو له اړخه د نړۍ یو له ترټولو ککړو هېوادونو دی

۱۰-۱۱-۱۴۰۲ 14:50 څرگندونې نشته

د ملګرو ملتونو د ماشومانو د ملاتړ صندوق (یونیسف) یو ځل بیا اعلان وکړ چې افغانستان د نړۍ په کچه په چاودېدونکو توکو یو تر ټولو ډېر ککړ هېواد دی. سه شنبه ، د سلواغې پر ۱۰مه، یونیسف پر خپله اېکس پاڼه لیکلي چې دغه بنسټ په روان میلادي کال کې پلان لري چې د ماشومانو په ګډون تر درې میلیونه او۶۰۰ زره خلکو ته د چاودیدونکو مهماتو د خطرونو په اړه پوهاوی وړاندې کړي. د یونیسف په وینا، د چاودیدونکو توکو د خطرونو په اړه خلکو ته د پوهاوي په ورکولو سره به هغوی پوه شي چې څنګه

د بدخشان په بهارک کې یوه طالب چارواکي د «سلام نه اچولو» له امله یو تنکی ځوان شکنجه کړی دی

۱۰-۱۱-۱۴۰۲ 14:48 څرگندونې نشته

په بدخشان کې ځایی سرچینې وایي چې د دغه ولایت په بهارک ولسوالۍ کې د طالبانو د استخباراتو مدیر قاري محفوظ یو تنکی ځوان د « سلام نه اچولو» له امله سخت وهلی ټکولی دی. سرچینې رسنی ته تاییدوي، چې دغه تنکی ځوان پاینده محمد نومېږي او دوشنبه، د سلواغې په ۹مه مازدیګر مهال د طالبانو د دغه چارواکي له لوري په « عام محضر» کې سخت وهل ټکول شوی دی. دغه ځوان ۱۶ کلن دی او قاري محفوظ د بهارک ولسوالۍ په بازار کې وهلی ټکولی دی. سرچينې زياتوي، چې دغه ځوان د وهلو ټکولو په پایله کې

د واورې ورښت د بدخشان د دوو ولسوالیو لارې تړلې دي

۱۰-۱۱-۱۴۰۲ 14:47 څرگندونې نشته

په بدخشان کې ځايي سرچینې وايي چې په دغه ولایت کې د درنو واورو ورېدو له کبله، له مرکز سره د دوو ولسوالیو لارې تړل شوې دي. سرچینې دوشنبه د سلواغې پر ۹مه وايي چې تېره شپه د بدخشان په شکي او یاوان ولسوالیو کې درنه واوره ورېدلې چې له کبله یې د دغو ولسوالیو مواصلاتي لارې له مرکز سره تړل شوې دي. سرچینې وايي چې تراوسه طالبانو د دغو ولسوالیو د لارو د خلاصېدو لپاره کوم ګام نه دی پورته کړی. د سرچینو په خبره، له مرکز بدخشان سره د دغو لارو د تړل کېدو له کبله د

په روزګان کې سېلابونو مالي زیانونه اړولي

۱۰-۱۱-۱۴۰۲ 14:46 څرگندونې نشته

د روزګان د ګیزاب ولسوالۍ ځينو اوسېدونکو د دغې ولسوالۍ په ځينو برخو کې د سېلابونو د راوتلو خبر ورکړی دی. له دغه ولایت څخه سرچینو دوشنبه د سلواغې پر ۹مه ویلي چې تېره شپه د ګیزاب ولسوالۍ په کندیر کلي کې د درنې واروې او باران ورېدو له کبله سیلاب راوتلی چې په دغه کلي کې یې له ۱۰۰ جریبه ډېرې کرنیزې ځمکې ته زیان اړولی دی. د دغې ولسوالۍ اوسېدونکي ټينګار کوي چې له ناوړه اقتصادي حالت سره مخامخ دي او له مرستندویه بنسټونو یې د مرستې غوښتنه کړې ده. د یادونې وړ ده چې له دې

«د افغانستان د سیمه‌ییزې همکارۍ ابتکار» ناسته پېل شوه

۱۰-۱۱-۱۴۰۲ 14:44 څرگندونې نشته

د طالبانو د بهرنیو چارو وزارت «د افغانستان د سیمه‌ییزې همکارۍ ابتکار» ناستې د پېلېدو خبر ورکړی دی. د دغه وزارت د ویاند مرستیال ضیااحمد تکل دوشنبه د سلواغې پر ۹مه د دې ناستې د پېلېدو خبر ورکړی دی. په دې ناسته کې د ګاونډیو او سیمه‌ییزو هېوادونو ځانګړي استازي او سفیران برخه لري. د دې ناستې موخه، د افغانستان او سیمې هېوادونو ترمنځ د سیمه‌ییز روایت د جوړېدو او د سیمه‌ییزو همکاریو د پراختیا په اړه خبرې اترې ښودل شوې ده. دا په داسې حال کې ده چې د ایران د بهرنیو چارو وزارت د جنوبي اسیا برخې

طالبانو په مزارشریف کې یو اوزبیکستانۍ وګړی د الکولي مشروباتو د قاچاق په تور نیولی

۰۹-۱۱-۱۴۰۲ 12:37 څرگندونې نشته

بلخ کې د طالبانو امنیي قوماندانۍ په مزارشریف ښار کې د یو اوزبیکستاني وګړي د نیول کېدو خبر ورکړی دی. یادې قوماندانۍ یکشنبه د سلواغې پر ۸مه ویلي چې دا اوزبیکستانی وګړی ۶۴ کلن دی او ظاهر نومېږي. نوموړی د مزارشریف ښار د کابلبانک چوک په سیمه کې نیول شوی دی. د قوماندانۍ په وینا، ظاهر له اوزبیکستان څخه بلخ ولایت ته د الکولي مشروباتو د قاچاق قصد درلود. له بلې خوا په بلخ کې د مخدره توکو پر وړاندې د مبارزې مسوول ویلي چې دغه کس یو زر او ۱۰۰ بوتله الکولي مشروبات په یو سوزکۍ موټر کې

غزه کې د دوه میاشتني اوربند مسوده؛ نن په پاریس کې ناسته ترسره کېږي

۰۸-۱۱-۱۴۰۲ 13:06 څرگندونې نشته

اسوشیټېډپرېس او نیویارک ټایمز راپور ورکړی چې د امریکا، قطر، مصر او اسرائیل چارواکي پاریس ته تللي څو د یوې هوکړې پر مسودې خبرې وکړي چې له مخې به یې په غزه کې د اوربند په بدل کې یرغمل شوي کسان ازادېږي. د اسوشیېټډپرېس د راپور پر بنسټ دغې ناستې کې به چې یک‌شنبه، جنورۍ په ۲۸مه پاریس کې ترسره کېږي، د سي‌ای‌اې مشر ویلیام برنز، د قطر لومړی وزیر عباس کامل، د مصر د استخباراتو مشر او د اسرائیل د استخباراتو ادارې (موساد) مشر ډیویډ بارنه ګډون وکړي. نیویارک ټایمز هم راپور ورکړی چې د امریکا متحده ایالاتو،

طالبانو د عاصم منیر وروستۍ څرګندونې له «سپکاوي» ډکې بللي

۰۸-۱۱-۱۴۰۲ 13:03 څرگندونې نشته

د طالبانو د وسله‌وال پوځ لوی درستیز فصیح‌الدین فطرت د پاکستاني پوځ د لوی درستیز جنرال عاصم منیر وروستیو څرګندونو ته په غبرګون کې ویلي چې د نوموړي دا څرګندونې «له سپکاوي ډکې او د یاد هېواد د حکومتي چارواکو د بې‌کفایتۍ» ښکارندوي کوي. د طالبانو د دفاع وزارت ویاند عنایت‌الله خوارزمي دا څرګندونې شنبه د سلواغې پر ۷مه په خپله ایکس‌پاڼه کې د فصیح‌الدین فطرت له قوله لیکلې دي. نوموړي زیاته کړې: «هغوی د خپلو خلکو د امنیت په ټينګولو کې پاتې راغلي او د خپلو نیمګړتیاوو پړه پر نورو اچوي.» نوموړي د پاکستان له خلکو غوښتي چې

د طالبانو د سرحدونو وزیر: افغانستان له پاکستان سره رسمي سرحد نه لري

۰۸-۱۱-۱۴۰۲ 13:02 څرگندونې نشته

د طالبانو د سرحدونو او قبایلو چارو سرپرست وزیر نورالله نوري ویلي چې افغانستان له پاکستان سره «فرضي کرښه» لري او له دغه هېواد سره «رسمي سرحد» نه لري. په ټولنیزو رسینو کې نن شنبه د سلواغې پر ۷مه یوې خپرې شوې ویډیو کې ښکاري چې نوري دا څرګندونې د طالبانو د کډوالو او بېرته راستنېدونکو چارو وزارت د سرپرست خلیل‌الرحمان حقاني سره په ګډه تورخم ته د سفر پر مهال کړې دي. نوموړي زیاته کړې: «پاکستان سره موږ فرضي‌ کرښه لرو، له دوی سره کوم رسمي سرحد نه لرو، موږ له دوی سره خپله صفري‌ نقطه نه لرو.» هغه

قاري برکت‌الله سلیم وفات شو

۰۸-۱۱-۱۴۰۲ 13:00 څرگندونې نشته

افغانستان نوموتی قاري، برکت‌الله سلیم مړ شو. سرچینو شنبه د سلواغې پر ۷مه رسنی ته د برکت‌الله سلیم مرګ تایید کړ. د نوموړي د مرګ لامل ناروغي بلل شوې ده. قاري برکت‌الله سلیم له پنځه کلنۍ د قرآن‌کریم تلاوت کاوه او په اته کلنې کې یې حفظ کړی و. د خپرو شویو راپورونو په حواله، قاري برکت‌الله سلیم ۱۲ ځلې د قرآنکریم د حسن قرائت، حفظ، تفسیر او تجوید په نړیوالو سیالیو کې ګډون کړی چې اته وارې یې لومړی مقام ګټلی و. برکت‌الله سلیم د قرآن‌کریم د قرائت او دیني مضامینو د تدریس ترڅنګ، شاعر هم و.

یونیسف: په افغانستان کې شاوخوا ۹.۵ میلیونه خلک روغتیايي اسانتیاوو ته لاس‌رسی نه لري

۰۸-۱۱-۱۴۰۲ 12:59 څرگندونې نشته

د ملګرو ملتونو د ماشومانو وجهي صندوق (یونیسف) ویلي چې په افغانستان کې شاوخوا ۹.۵ میلیونه وګړي په هغو سیمو کې ژوند کوي چې روغتیايي اسانتیاوو ته لاس‌رسی نه لري. یونیسف دغه څرګندونې د یک‌شنبې ورځ، سلواغې په ۸مه خپلې ایکس کې پاڼې لیکلي. دغه بنسټ زیاته کړې: «یونیسف او زموږ همکاران ژمن دي چې د هر ماشوم، میرمنې او کورنۍ لپاره لومړني او فرعي روغتیایي خدمتونه چمتو کړي .» تر دې مخکې د بې پولو ډاکټرانو سازمان هم ویلي وو چې د افغانستان روغتیايي سیستم له ډېرې مودې راهیسې د کاري ځواک او بودیجې د نشتوالي له امله

د پاکستان پارلمان پخوانۍ غړې: طالبانو افغانستان اشغال کړی او ولسي ملاتړ نه لري

۰۸-۱۱-۱۴۰۲ 12:57 څرگندونې نشته

د پاکستان د پارلمان پخوانۍ غړې بشرا ګوهر د عاصم منیر د وروستیو څرګندونو پر وړاندې د طالبانو د چوپتیا په غبرګون کې وايي چې طالبانو افغانستان اشغال کړی او ولسي ملاتړ نه لري. ګوهر دغه څرګندونې د شنبې ورځ (سلواغې ۷مه) پر خپلې اېکس پاڼې کړې دي. د هغې په وينا، د دوحې تړون طالبانو ته دنده سپارلې چې د يوې نوې سيمه‌ييزې جګړې لپاره افغانستان کمزورى او ویجاړ کړي. نوموړې لیکلي: «ترهګر طالبان یوه نیابتي ډله ده چې افغانستان یې اشغال کړی دی.» ګوهر د «طالبانو پروژې» د بندېدو او د افغانستان د ازادۍ غوښتنه کړې ده.