پاکستاني رسنیو راپور ورکړی، چې په دغه هېواد کې پر یوه مسافر وړونکي بس د برید په پایله کې لږترلږه ۹ کسان وژل شوي او ۲۶ نور ټپیان دي.
دا پېښه د شنبې ورځ، د ډیسمبر په ۲مه د ګلګت – بلتستان چالاس ښار ته څېرمه رامنځته شوې ده.
ځايي چارواکي وايي، په وژل شوو کې دوه پاکستاني پوځیان هم شامل دي.
که څه هم د دغه برید پړه کومې ډلې پر غاړه نه ده اخیستې، خو سیمهییزو پاکستاني چارواکو دا «ترهګریز» بللی دی.
د پاکستان یوه سیمهییز چارواکي عارف احمد ویلي، دې «بزدلانه کړنې» هغه بس په نښه کړ چې د «قراقورم» په هغې لویه لاره د راولپنډۍ ښار پر لور روان و چې پاکستان له چین سره نښلوي.
د هغه په وينا، دغه بس تر بريد وروسته سمدستي له يوې لارۍ سره ټکر کړی دی.
تر دې وړاندې په پاکستان کې د یو شمېر ورته بریدونو پړه تحریک طالبان پاکستان او د بلوڅو بېلتون پالو په غاړه اخیستې ده.
