د بامیان طالب سیمهییز مسوولان په دغه ولایت کې د یوه ۱۶ کلن هلک د ځانوژنې خبر ورکوي.
دغه هلک محمد نومېده او د شنبېشپه، مرغومي په ۲۴مه شاوخوا ۷:۰۰ بجې د باميان ولايت مرکز اړوند په «زرګران» سيمه کې ځان زندۍ کړی او خپل ژوند يې پای ته رسولی.
د باميان ولايت د طالبانو امنيې قوماندانۍ د يوې خبرپاڼې په خپرولو سره ويلي چې د دغه تنکي ځوان جسد يې د پلټنو لپاره روغتون ته لېږدولی دی.
تر اوسه د دغه ځوان د ځانوژنې انګېزه نه ده څرګنده.
په تېرو ۲۴ ساعتونو کې په هېواد کې د ځانوژنې دوه پېښې ثبت شوې دي.
د کاپيسا ولايت د تګاب ولسوالۍ په «بدراب» کلي کې د يکشنبې ورځ، مرغومي په ۲۴مه يوه تنکي ځوان ځانوژنه کړې ده.
د طالبانو تر واکمنۍ وروسته په هېواد کې د ځانوژنې پېښې په ځانګړې توګه د ځوانانو په منځ کې زیاتې شوې دي.
