د اسپانیا بهرنیو چارو وزارت ویلي، د دغه هېواد وګړي چې په افغانستان کې د «وروستي ترهګریز» برید لامله اغېزمن شوي و، له دغه هېواده وتلي.
د اسپانیا بهرنیو چارو وزیر خوزه مانوئیل البارس چهارشنبه د غبرګولي پر ۲مه په خپله اېکسپاڼه کې لیکلي: «د اسپانیا بهرنیو چارو وزارت له بېړنیو کنسولي چوپړونو، د اړینو او ژغورنې چارو په موخه افغانستان ته د لېږل شویو ډيپلوماتانو او په هغه ځای کې د اروپا بهرني اقدام د غړو له ملاتړه مننه کوم.»
د یادونې ده چې څو ورځې وړاندې په بامیان کې پر بهرنيو ګرځندویانو او ملګرو یې وسلهوال برید وشو چې له کبله یې شپږ کسان ووژل شول.
د اسپانیې بهرنیو چارو وزارت ومنله چې په برید کې درې وژل شوي د دغه هېواد وګړي دي.
د دغه وسلهوال برید پړه داعش ومنله.
دې پېښې ته په کور دننه او بهر پراخ غبرګونونه ښودل شوي دي.
