ډاکټر ماریا سلطان، د سوېلي اسیا د سټراټیژیک ټیکاو انسټیټیوټ مشره او د پاکستان کې د افغان سیاستوالو د راتلونکې غونډې تنظیموونکې، پر زلمي خلیلزاد نیوکه کړې ده.
هغې ویلي، پخواني کړنې اوږده سیوري لري او پر خلیلزاد یې غږ کړی چې پر ځای د خنډ جوړولو، افغانانو ته اجازه ورکړي تر څو په خپله خبرې وکړي.
زلمي خلیلزاد، د افغانستان سولې لپاره د امریکا پخواني استازي، د دې غونډې په اړه ویلي چې پاکستان د افغانستان په اړه ښه نیت نه لري او موخه یې یو خپلواک او پیاوړی افغانستان نه دی.
هغه غوښتنه کړې چې د غونډې ځای باید بدل شي. په ځواب کې ماریا سلطان پر ټولنیزو رسنیو ټینګار کړی چې خلیلزاد باید خپله د افغانانو پوښتنو ته ځواب ورکړي، نه دا چې د خبرو پر هڅو نیوکه وکړي.
راپورونه وايي، دغه ناسته به د ماریا سلطان په مشرۍ په پاکستان کې ترسره شي او زلمي خلیلزاد ته هم د مېلمه په توګه د ګډون بلنه ورکړل شوې ده.
