د افغانستان لپاره د امریکا پخوانۍ سفیر مرستیاله اني هایمر وايي، که طالبان د خپلو وسلهوالو د تمویل او شخصي زندانونو د ساتلو وس لري، نو کولی شي د خلکو لپاره د خوړو او روغتونونو لګښت هم برابر کړي.
هغې ټینګار وکړ، چې له افغانستان سره امریکايي مرستې صفر شوې، خو نړیوال بانک او ملګري ملتونه باید دغه تشه ډکه کړي.
مېرمن هایمر په یوه انلاین کنفرانس کې زیاته کړه، چې د نادولتي ټولنو له لارې مرستې ګټورې دي، خو باید شفافیت تضمین شي او ښځو ته د ښځو له لارې بشري مرستې ورسېږي.
هغې وویل، د امریکا کانګرس د بشري مرستو د دوام لپاره هڅې وکړې، خو بریالۍ نه شوې.
