په تخار کې سیمهییزې سرچینې وايي چې په دغه ولایت کې یو ځوان په مرموز ډول وژل شوی دی.
سرچینو دوشنبه د سلواغې پر ۲۳مه ویلي چې دا ځوان عبدالقهار نومېده او د تخار د دشتقلعه ولسوالۍ اصلي اوسېدونکی و.
د سرچینو په خبره، عبدالقهار شاوخوا یوه میاشت وړاندې له ترکیې د خپلې کورنۍ لیدو ته راغلی و.
د دغه ځوان مړی نن د دشتقلعه ولسوالۍ په «کفترخانه» سیمه کې موندل شوی دی.
ورته مهال، په تخار کې ځايي طالب چارواکي وايي چې په پېښه کې د لاس لرلو په تور یې درې کسان نیولي دي.
دا په داسې حال کې ده چې د روانې اوونۍ په لومړیو کې ناپېژانده وسلهوالو د فاریاب د المار ولسوالۍ په «غلبله» کلي د پخواني حکومت یو پوځي په ډزو وواژه.
