په بادغیس کې ځايي سرچینې په مرموز ډول د یوې ښځې د وژل کېدو خبر ورکړی دی.
سرچینو دوشنبه د کب پر ۲۱مه ویلي چې دا ښځه د بادغیس د درهبوم ولسوالۍ په «میانکوه» کلي کې په خپل کور کې وژل شوې ده.
وژل شوې مېرمن ۴۵ کلنه وه.
یوه روغتیايي سرچینه هم وايي چې د دغې ښځې په بدن کې د وهلو ټکولو نښې نښانې لیدل شوې دي.
تر اوسه د دې پېښې انګيزه او لامل روښانه نه دی.
طالبانو هم تراوسه په په دې هکله څه ویلي نه دي.
په دې وروستیو کې د هېواد په بېلابېلو برخو کې جنايي پېښې ډېرې شوې دي.
تازه بیګاه شپه د مزارشریف د دریمې امنیتې حوزې په اړوند سیمه کې ناپېژانده وسلهوالو یو ځوان وژلی دی.
