روایت
هر ګړې د کابل په وخت : ۱۲:۲۵ ب٫ظ
ننې نیټه : ۳۰-۰۲-۱۴۰۳
د نن د خبرونو شمیر : 1
تاریخ : ۳۰-۰۲-۱۴۰۳
ساعت : ۱۲:۲۵
: 1

د طالبانو ادعا: داعش له پاکستانه افغانستان ته رادننه کېږي

پایگاه خبری تحلیلی روایت : د طالبانو د دفاع وزارت د پاکستاني چارواکو هغه ادعا چې په خیبرپښتون‌خوا کې پر چینايانو برید په افغانستان کې طرحه شوی و، نامسوولانه او له حقیقته لرې بللی دی.د طالبانو د دفاع وزارت وياند عنايت‌الله خوارزمي د یوې اعلاميې په خپراوي سره ويلي چې خيبرپښتون‌خوا د پاکستاني پوځ تر پوښښ لاندې ده او په دې سيمه کې د چينايانو په نښه کول د دغه هېواد د «امنيتي ارګانونو د کمزورۍ ښکارندويي» کوي.

د طالبانو د دفاع وزارت د پاکستاني چارواکو هغه ادعا چې په خیبرپښتون‌خوا کې پر چینايانو برید په افغانستان کې طرحه شوی و، نامسوولانه او له حقیقته لرې بللی دی.

د طالبانو د دفاع وزارت وياند عنايت‌الله خوارزمي د یوې اعلاميې په خپراوي سره ويلي چې خيبرپښتون‌خوا د پاکستاني پوځ تر پوښښ لاندې ده او په دې سيمه کې د چينايانو په نښه کول د دغه هېواد د «امنيتي ارګانونو د کمزورۍ ښکارندويي» کوي.

د خیبرپښتون‌خوا په بشام سیمه کې په یو ځانمرګي برید کې پنځه چینايي انجینران او د هغوی پاکستانی موټر چلونکی ووژل شول.

په خيبرپښتون‌خوا ايالت کې د چينايي انجنيرانو پر یو موټر له ځانمرګي بريد شاوخوا دوه مياشتې وروسته د پاکستان د پوځ يو جګپوړي چارواکي احمد شريف پرون ادعا کړې چې دا بريد د طالبانو تر واک لاندې افغان کې طرحه شوی و.

بلخوا د طالبانو د دفاع وزارت ویاند ادعا کړې چې داعش له پاکستانه افغانستان ته رادننه کېږي او اسلام‌اباد باید په دې هکله ځواب ویونکی اوسي.

دا په داسې حال کې ده چې څه موده وړاندې د ایران او پاکستان مشرانو د یوې ګډې اعلامیې په خپراوي سره د طالبانو تر واک لاندې افغانستان کې د ترهګرو ډلو پر شتوالي اندېښنه څرګنده کړې وه.

دوی په خپله اعلامیه کې ویلي چې سله‌والې ډلې د سیمې او نړۍ امنیت ته جدي ګواښ دی.

0 0 votes
امتیازدهی به مقاله
Subscribe
Notify of
0 نظرات
Inline Feedbacks
View all comments

وروستني مطالب

0
Would love your thoughts, please comment.x
()
x