امرالله صالح، معاون ریاست‌جمهوری دولت پیشین افغانستان، در واکنش به زلزله مرگبار اخیر در ولایت کنر، با ابراز همدردی به خانواده‌های قربانیان، نبود دولت مشروع و انزوای کنونی کشور را مورد انتقاد قرار داد. صالح روز دوشنبه، ۱۰ سنبله، در پیامی در صفحه اکس نوشته که مردم افغانستان در چنین شرایط دشوار همواره به همبستگی و همکاری اجتماعی تکیه کرده‌اند، اما اکنون بیش از هر زمان دیگر نیاز به این وحدت احساس می‌شود. معاون ریاست‌جمهوری دولت پیشین افغانستان، با اشاره به وضعیت کنونی گفته است که افغانستان از نبود دولت مشروع، فقدان حاکمیت ملی و نداشتن مشروعیت رنج می‌برد
