سازمان کنترول مواد مخدر تاجیکستان می‌گوید به رغم ادعای طالبان درباره ممنوعیت تولید موادمخدر، تاجیکستان هیچ نشانه‌ای از کاهش قاچاق مواد مخدر از افغانستان نمی‌بیند. این سازمان گفت که تولید مواد مخدر در آزمایشگاه‌های مخفی در افغانستان انجام می‌شود. خبرگزاری روسی تاس روز دوشنبه (١٦ دلو) به نقل از این سازمان نوشت که مواد مخدر تولید شده در افغانستان به تاجیکستان و بعد به کشورهای دیگر قاچاق می‌شود. برپایه این گزارش، در سال ٢٠٢٣ بیش از ٢.٥ تن مواد غیرقانونی در مناطقی از تاجیکستان در مرز افغانستان کشف و ضبط شده است. تاس در گزارش خود افزوده است که
