ذبیح‌الله مجاهد، سخن‌گوی طالبان می‌گوید که در حمله دشمنان انسانیت، ۱۴ تن از باشندگان دایکندی در مناطق میان این ولایت و ولایت غور با بی‌رحمی تمام کشته و شش تن دیگر زخمی شدند. سخن‌گوی این گروه، امروز جمعه، ۲۳ سنبله با نشر اعلامیه‌‌ای گفته است طالبان «این عمل وحشیانه را شدیدا محکوم می‌کند، در کنار آن حفظ مال و جان ملت را مکلفیت خود می‌داند.» سخن‌گوی طالبان افزوده است: «در حالی‌که ما غم‌شریکی خود را با قربانیان مظلوم این حادثه شریک می‌کنیم، در کنار آن برای جست‌وجوی عاملین ساعی بالفساد و سپردن آنان به پنجه‌‌ی عدالت، تلاش جدی می‌کنیم.»
