تام وست، نمایندهٔ ویژهٔ ایالات متحده برای افغانستان می‌گوید که در سفر دو روزه به شهر انقره، پایتخت ترکیه، روی مسائل مختلف از جمله نیاز به حمایت از افغان‌ها و تلاش‌های هماهنگ علیه شاخهٔ ولایت خراسان گروه دولت اسلامی معروف به داعش بحث کرده است. این گروه مسئولیت حملات مرگبار در افغانستان، به شمول کشتن ۳ گردشگر خارجی و ۴ افغان در ولایت بامیان را پذیرفته است. آقای وست امروز در شبکهٔ اکس، «توئیتر سابق»، نوشت که ضرورت به دیپلوماسی جمعی، حمایت از حقوق بشری افغان‌ها و تلاش‌های کمک‌رسانی در شمال افغانستان نیز از مسائل مورد بحثش با مقامات
