سفارت امریکا برای افغانستان از تاجیکستان بخاطر تسلیم ندادن هواپیماهای ارتش حکومت پیشین افغانستان به طالبان قدردانی کرد. این سفارتخانه روز یکشنبه، ۱۸ سنبله، در یک پیام کتبی هواپیماها را مال ارتش امریکا دانسته و گفته که امریکا درحال گفت‌وگو با تاجیکستان درباره سرنوشت این هواپیماها است. پس از سقوط نظام جمهوری اسلامی افغانستان در اسد ۱۴۰۰، تعدادی از هواپیماهای ارتش حکومت پیشین به اوزبیکستان و تاجیکستان منتقل شدند. وزارت دفاع امریکا پیشتر گفته بود که تا ۲۱ اگست سال ۲۰۲۱، ۴۶ فروند هواپیما به اوزبیکستان و ۱۸ فروند دیگر به تاجیکستان پرواز کرد. مقام‌های وزارت دفاع طالبان نیز
