سرچینې وايي چې په کابل کې یو پخواني پوځي د اقتصادي ننګونو له امله ځانوژنه کړې ده. سرچینو ویلي چې دا مخکېنی پوځي اختر محمد نومېده او چهارشنبه د کب پر لومړۍ یې د کابل ۱۷مې ناحیې اړوند سیمه کې ځان وژلی دی. د سرچینو په وینا، اختر محمد ۲۲ کلن او تر اوسه یې واده کړی نه و. څو ورځې وړاندې په فاریاب کې هم یو ځوان د ورته لامل له کبله ځان وژنه کړې وه. د یادونې ده چې د طالبانو له واکمنېدو وروسته د ځان وژنې پېښې ډېرې شوې دي.
