په اسلاماباد کې د طالبانو د پخواني دورې سفیر عبدالسلام ضعیف د پاکستان وروستي بریدونه په ختیځو ولایتونو کې په کلکو ټکو غندلي دي. هغه دغه بریدونه د افغانستان پر خاوره «بېشرمانه تېری» او «ظالمانه عمل» بللی دی. ضعیف په خپله لیکنه کې ویلي چې پاکستان په خپلو موخو کې له ناکامۍ سره مخ دی او هڅه کوي د دروغو او دسیسو له لارې د نړۍ پام ځان ته ور واړوي. د نوموړي په باور، دا کړنې د پاکستان د کمزورۍ او رسوایۍ څرګندونه کوي.
