د بلخ ولایت د امر بالمعروف او نهی عن المنکر ریاست وايي چې د جمشید په نوم یو کس یې د اسلامي مقدساتو د سپکاوي په تور نیولی دی. د یاد ریاست مشر شیخ عبیدالله حقاني ادعا کړې چې نوموړي د خدای د موجودیت او د احد غزا په اړه داسې څرګندونې کړې چې د دیني ارزښتونو خلاف دي. د طالبانو په وینا، د جمشید دوسیه د لومړنیو څېړنو وروسته عدلي او قضايي ادارو ته سپارل شوې، خو حقوقپوهان اندېښنه ښيي چې ممکن تورن کس د مدافع وکیل له حقه محروم پاتې شي.
