ننګرهار کې ځایي سرچینې وایي، چې د دغه ولایت د مرکز جلال اباد ښار په صرافۍ مارکېټ کې د طالبانو د هوایي ډزو پرمهال پنځه کسان ټپیان شوي دي. یوې سرچینې د نوم نه ښودلو په شرط وویل، چې پېښه تېره ورځ دوشنبه، ۲۹ د سلواغې، د جلال اباد ښار صرافۍ مارکېټ کې دننه رامنځته شوې ده. د سرچینې په وینا، دوه صرافانو د پېسو پر سر خپلمنځي لفظي شخړه کړې او وروسته په تاوتریخوالي اوښتې چې طالبان یې د منځګړیتوب لپاره مارکېټ ته داخل شوي او بیا یې پر خلکو هوایي ډزې کړي چې پرمهال یې د
