د تاجکستان د بهرنیو چارو وزارت اعلان کړی چې د شانګهای سازمان غړو هېوادونو د افغانستان په اړه ځانګړې دوه ورځنۍ غونډه په پلازمېنه دوشنبه کې ترسره کړه. د وزارت د اعلامیې له مخې، په دې غونډه کې د افغانستان د اوسني وضعیت، د سولې او ثبات د ټينګښت، د اقتصادي پرمختګ د فرصتونو او د سیمه ییزې همکارۍ د پراختیا په اړه خبرې اترې وشوې. ګډونوالو ټینګار کړی چې د افغانستان د سولې او امنیت ټینګښت د ټولې سیمې د پرمختګ لپاره مهم دی او باید د ګډو هڅو له لارې د باور فضا رامنځته شي.
