د طالبانو ویاند ذبیح الله مجاهد وايي، چې د اداري کارمندانو د معاشونو په ورکولو کې ځنډ «د بهرنیو مرستو د کولو یا نه کولو پورې اړه نه لري». هغه د دې ځنډ لامل نه دی روښانه کړی. مجاهد نن پنج شنبه، ۱۱ د سلواغې، ایکس کې پر خپله پاڼه لیکلي، چې د مالیې وزارت ډاډ ورکوي، چې د روانې سلواغې میاشت کې به د طالبانو د ادارو د ټولو ۱.۴ میلیون کارمندانو معاشونه ورکړل شي او «هیڅوک دې په دې اړه اندیښنه نه کوي». هغه زیاته کړې: «د هېواد بودیجه داخلي بنسټ لري، د بهرنیو مرستو د کولو
