واشنګټن ټایمز ورځپاڼې د افغانستان د بیارغونې لپاره د امریکا ځانګړې څارونکې ادارې «سیګار» له قوله خبر ورکړی، چې امریکا په تېرو درېیو کلونو کې د افغانانو د ژغورنې او په امریکا کې د بیا مېشتېدنې لپاره څه د پاسه ۱۴ میلیارده ډالر لګولي دي. د راپور له مخې، د دغو پیسو ډیره برخه د امریکا پوځ له لوري د افغانانو د اېستلو پر الوتنو، او امریکا ته له رسېدو وروسته په نظامي اډو کې د لسګونه زرو افغانانو د ځای پر ځای کېدو او همدارنګه له پوځي اډو څخه تر وتلو وروسته د افغانانو د بیا مېشتېدو
