د افغان خبریالانو مرکز د طالبانو له لوري د «راډیو بیګم» د خپرونو ځنډول د ازادو رسنیو پر وړاندې د ځپونکي سیاست دوام بللی او د دې چارې غندنه یې کړې. دغه مرکز پرون سې شنبه، ۱۶ د سلواغې، په یوې اعلامیه کې له طالبانو غوښتي چې پر خپله پریکړه بیا غور وکړي او «راډیو بیګم» ته اجازه ورکړي چې خپل فعالیتونو ته دوام ورکړي. د طالبانو د اطلاعاتو او کلتور وزارت تېره ورځ اعلان وکړ چې د «راډیو بیګم» خپرونې یې د نشراتي پالیسۍ څخه د سرغړونې او د جواز د ناسمې کارونې له امله ځنډولې دي.
