د طالبانو د شهیدانو معلولانو چارو وزارت ویاند وايي د زرګونو معلولانو، یتیمانو او کونډو نوم لیکنه پیل شوې.
فيصل خاموش وايي چې، د طالبانو د شهيدانو او معلولانو په وزارت کې د پخواني حکومت د نظامیانو ١ لک او ۲۰ زره او ٣٧٨ معلولان، يتيمان او کونډې ثبت شوې دي.
د افغانستان پخواني حکومت سره د طالبانو په شل کلنه جګړه کې ډېری ولسي وګړي او نظامیان ووژل شول، معیوب شول او ګڼ شمېر ښځې او ماشومان بې کوره او یتیمان شول.
د طالبانو د شهیدانو او معلولانو وزارت ویاند په یوه ویډیو کې چې د یکشنبې په ورځ (لیندۍ ۲۶مه) د طالبانو تر کنټرول لاندې د افغانستان د ملي راډیو تلویزیون په اېکس پاڼه خپره شوې ویلي چې ټول راجسټر شوي کسان میاشتنی نغدي معاش اخلي.
د ماشومانو خوندیتوب نړیوال سازمان تېر کال ویلي و، چې په نادولتي موسسو کې د ښځو پرکار کولو د بندیز له امله کونډې او مجردې ښځې مرستو ته لاسرسی نه شي موندلی.
