د طالبانو د دفاع وزیر ملا یعقوب مجاهد په مرکه کې ویلي چې امریکا باید د افغانستان په اړه د خنډ پر ځای د همکارۍ لاره غوره کړي. هغه ټینګار کړی چې که په سیاسي او سوداګریزو برخو کې پرمختګ وشي، دا به مثبت ګام وي.
نوموړي یادونه کړې چې طالبان لا هم له بندیزونو، د مشرانو د نومونو له تور لیست، بانکي تحریمونو او د افغانستان د کنګل شویو پیسو له ستونزې سره مخامخ دي، خو د دوحې تړون ته ژمن پاتې دي او د امریکا او متحدینو پر وړاندې به هېڅ ګواښ نه وي.
نوموړي ادعا کړې چې په افغانستان کې د داعش په ګډون هېڅ وسلهواله ډله فعاله نه ده او اوسنی امنیت د سیمې له ډېرو هېوادونو ښه دی.
بل طالب ویاند هم ویلي چې دوی هڅه کوي افغانستان د سیمهییزې او نړیوالې اقتصادي څلورلارې په توګه بدل کړي او که دا پلان بریالی شي، د هېواد امنیت به هم ټینګېږي، ځکه د ټولو هېوادونو ګټه پکې نغښتې ده.
