سرچینې وایی چې په کابل کې د ښځو او نجونو د نیولو تازه کمپاین د کندهار والي ملا شیرین په امر او د طالبانو مشر ملا هبتالله په هدایت پيل شوی دی.
ویل کېږي، ملا شیرین شاوخوا لس ورځې وړاندې د امر بالمعروف د نوي قانون د پلي کېدو د څار لپاره کابل ته راغلی و.
سرچینې زیاتوي، چې له راتګ وروسته یې د طالبانو له لوړپوړو چارواکو سره ناسته کړې او پرېکړه شوې چې په کابل کې به پر ښځو حجاب جبري شي.
دا کمپاین وروسته له هغه پیل شو، چې ملا هبتالله ته راپور ورکړل شو، چې کورنیو چارو وزارت د قانون په پلي کېدو کې همکاري نه کوي.
