سیمهییزې سرچينې وايي چې په فارياب کې يو طالب جنګیالی د خپلې مېرمنې له خوا وژل شوى دى.
سرچينې ورځپاڼې ته منلې چې دغه پېښه سېشنبه د غويي پر ۱۱مه په قيصار ولسوالۍ کې رامنځته شوې ده.
دا کس سېداسلم نومېده او په فاریاب کې د طالبانو د امنیه قومندانۍ اداري مدیر و.
د سرچينې په خبره، نوموړی طالب د انګورو په خپل باغ کې د مرمۍ پر ډزې وژل شوی دی.
سېداسلم د تېر حکومت د پولیسو غړی و؛ خو له سقوط څو میاشتې دمخه طالبانو سره یو ځای شوی و.
طالبانو تر اوسه په دې هکله څه نه دي ویلي.
د یادونې ده چې شاوخوا درې مياشتې دمخه هم د فارياب په المار ولسوالۍ کې يو وسلهوال جنګیالی د خپلې مېرمنې له خوا وژل شوى و.
