سیمهییزې سرچینې وايي چې په فاریاب او سمنګان کې د دوو جلا ترافیکي پېښو لامله ۱۰ کسان مړه شوي او ۱۶ نور ټپيان دي.
سرچینې وايي چې د فاریاب په مرکز میمنې ښار کې چهارشنبه د غبرګولي پر ۲۳مه له غرمې وروسته په یوې ترافیکي پېښه کې ۱۰ کسان مړه او پنځه ټپیان شوي.
سرچینو زیاته کړې چې دا پېښه د میمنې ښار شپږمې ناحیې اړوند په دهسیدان سړک کې هغه مهال وشوه چې یو فولډر موټر یو کور له دیوال سره وجنګېد.
د سرچینو په وینا، په پېښه کې ټپيان د میمنې ښار ولایتي روغتون ته لېږدول شوي او روغتیايي حالت یې نازک دی.
بل پلو، د سمنګان په ترافیکو مدیریت کې طالب چارواکي وايي چې د دغه ولایت درهصوف ولسوالۍ اړوند کې د یوې ترافیکي پېښې لامله ۱۱ کسان ټپيان شوي.
یاد مدیریت زیاته کړې چې ټپيان د درهصوف پایین ولسوالۍ روغتیايي مرکز ته وړل شوي او حالت یې مخ په ښه کېدو دی.
چټک تګ، له ترافیکي قوانینو ناخبري، ترافیکي قوانینو ته نه پاملرنه، د سړکونو خرابوالی او په سړکونو کې د ترافیکي نښو کمی بیا په هېواد کې د دا ډول پېښو لوی لاملونه ګڼل کېږي.
څه موده وړاندې هم په بلخ او نیمروز کې د دوو جلا ترافیکي پېښو په پاېله کې نهه کسان مړه او اووه نور ټپيان شوي وو.
