د سمنګان مرکز اېبک کې سیمهییزې سرچینې د یو ځوان د ځانوژنې خبر ورکړی دی.
سرچینې وايي چې دا ځوان صفتالله حکیمي نومېده او دوشنبه د سلواغې پر ۳۰مه سهار مهال یې ځان په خپل کور کې زندۍ کړی دی.
صفتالله درې کاله مخکې له سمنګان پوهنتونه فارغ شوی و.
د سرچینو په خبره، نوموړي د کورني تاوتریخوالي له کبله ځانوژنه کړې ده.
دا په داسې حال کې ده چې تېره جمعه د پاکستان د اسلاماباد ښار په «بهاره کوه» سیمه کې یو افغان پناهغوښتونکي د کاناډا له خوا د پناه غوښتنې له ردېدو وروسته، ځان وژلی دی.
بلخوا، د دغه افغان له مرګ وروسته یې خور ویلي، څنګه چې د پاکستان پولیس یې د ورور د مرګ لامل او څرنګوالی ښودلی، ځانوژنه نه ده. هغې د دغې پېښې د څېړلو غوښتنه کړې ده.
