په سمنګان کې سیمهییزې سرچينې وايي چې طالبانو اته کسان د حزبالتحرير د غړيتوب په تور نيولي دي.
سرچينې جمعه د وري پر ۱۷مه ته منلې چې دا کسان د تېرو دوو ورځو په ترڅ کې د سمنګان مرکز ايبک ښار په بېلابېلو سيمو کې د طالبانو استخباراتو له لوري نيول شوي او بنديان دي.
د معلوماتو پر بنسټ، په نيول شويو کسانو کې يو انجنير رفيع د دغه ولايت د برېښنا رياست کارکونکى دى او اووه نور يې ازاد کاروبار لري.
له تېرو دوو کلونو راپدېخوا د هېواد په بېلابېلو ولایتونو کې له داعش سره د فکري ورتهوالي له کبله د التحریر ګوند غړو د نیولو لړې روانه ده.
طالبانو په مشخصه توګه سمنګان کې د دې کسانو د نيولو په هکله څه نه دي ويلي.
دا کسان په داسې حال کې د حزبالتحریر ګوند د غړیتوب په تور نیول شوي چې د تېرکال په وروستیو کې طالبانو په کابل کې یاد ګوند ته د یوې لویې غونډې د جوړېدو اجازه ورکړه.
له حزبالتحریر سره د طالبانو پر دوهګوني چلند تل نیوکې شوي دي.
دې ډلې تېرکال د مرغومې پر ۲۳مه په تخار کې د حزبالتحریر ۱۶ غړي ونیول.
د ویلو ده چې طالبانو په افغانستان کې د سیاسي ګوندونو فعالیتونه ناقانونه بللي دي
