په روزګان، هرات او هلمند کې سیمهییزې سرچینې وايي چې په دغو ولایتونو کې د ورښتونو، سېلابونو او سختو توپانونو له کبله ۱۰ کسانو ژوند بایللی او خلکو ته یې درانه مالي زیانونه اړولي دي.
په روزګان کې ځايي سرچینو یکشنبه د غويي پر ۱۶مه ویلي چې بیګا شپه د دغه ولایت په مرکز ترینکوټ او چورې ولسوالۍ کې د سخت توپان له کبله اووه کسان مړه او یو شمېر کورونه ویجاړ شوي دي.
سرچینې زیاتوي چې ورښتونو سلګونه جریبه ځمکه، ځينې پلونه او د خلکو د تګراتګ لارې زیانمنې کړې دي.
ورته مهال، سرچینې وايي چې د هرات په ګلران، ادرسکن، کشک رباطسنګي او کشک کهنه ولسوالیو کې سېلابونو درې کسان مړه کړي او لسګونه کورونه یې نړولي.
د کشک رباطسنګي او کشک ولسوالیو اوسېدونکو ۸صبح ورځپاڼې ته منلې چې سېلابي اوبو څه باندې ۲۰۰ څاروي وړي او د دغې ولسوالیو د اوسېدونکو لږ تر لږه ۲۰۰ جریبه کرنیزه ځمکه یې زیانمنه کړې ده.
بل پلوه، په هلمند کې هم د تېرې شپې سخت توپان او ورښتونو سلګونه جریبه کرنیزې ځمکې ته زیان اړولی دی.
دا په داسې حال کې ده چې په غور کې هم د ورستیو ورځو ورښتونو او سېلابونو درې کسان مړه کړي او درانه مالي زیانونه یې اړولي.
اړوندې لیکنې :
- په روزګان، هرات او هلمند کې ورښتونو، سېلابونو او توپانونو ۱۰ کسان مړه کړي
- په جوزجان کې ورښتونو او سېلابونو دوه کسان مړه کړي
- په پاکستان کې وروستیو ورښتونو او سېلابونو ۱۵۶ کسان مړه کړي
- په روزګان کې سېلابونو مالي زیانونه اړولي
- په تخار کې ورښتونو او سېلابونو ۱۷ کورنۍ لادرکه کړې دي
- طالبان: د تېرو درېیو اوونیو ورښتونو له کبله ۶۰ کسان مړه شوي