په بغلان کې د طالبانو امنیې قوماندانۍ ویاند مولوي شیراحمد برهاني وايي چې په دغه ولایت کې یو زدهکوونکي خپل ښوونکی په ډزو وژلی دی.
دا پېښه یکشنبه د غويي پر ۱۶مه د بغلان په ډنډغوري ولسوالۍ کې شوې ده.
د ښوونځي دا ښوونکی عليالله نومېده او څو ډزې پرې شوې دي.
د برهاني په خبره، دغه زدهکوونکي د خپل ښوونکي له وژلو وروسته پر ځان هم ډز کړی چې له ټپي کېدو وروسته د درملنې لپاره د پلخمرمي ولایتي روغتون ته وړل شوی دی.
تر اوسه د دغې وژنې لامل څرګند نه دی.
په دې وروستیو کې د هېواد په یو شمېر سیمو کې جنايي پېښې زیاتې شوې دي.
تېره جمعه د بلخ په مرکز مزارشریف کې وسلهوالو غلو یو زلمی وژلی و.
