د بدخشان ولایت د طالبانو سیمهییز مسوولان وايي، د دغه ولایت په شهربزرګ ولسوالۍ کې د واورې ښویېدنې له امله درې کسان مړه شوي دي.
د بدخشان د امنيې قوماندانۍ وياند احسانالله کامګار ویلي چې دا پېښه نن د يکشنبې ورځ، سلواغې پر ۱۵مه د شهربزرګ ولسوالۍ په سنګخواه کلي کې رامنځته شوې ده.
د دې پېښې په ترڅ کې درې کسانو خپل ژوند بایللی او یو بل ټپي دی.
د هغه په وينا، دغه کسان ټول د سيمې اوسېدونکي ول او په یوې جنازه کې د ګډون لپاره له يوه کلي بل کلي ته روان وو؛ خو په لاره کې له واورې ښویېدنې سره مخ شول.
دا په داسې حال کې ده چې په بدخشان کې د سختې واورې ورېدو له امله له مرکز سره د لږترلږه نهو ولسوالیو لارې تړل شوې دي.
بدخشان یو غرنی دی چې طبیعي پېښو یې تل د دغه ولایت اوسېدونکو ته مرګ ژوبله او ګڼ مالي زیانونه اړولي دي.
