په افغانستان کې د بشري حقونو په برخه کې د ملګرو ملتونو ځانګړي استازي ریچارډ بېنټ په دغه هېواد کې له سیلاب ځپلو سره د بیړنیو مرستو غوښتنه کړې ده.
بېنټ شنبه د غويي پر ۲۲مه په خپل اېکسپاڼه کې لیکلي چې د بغلان په ګډون په هېواد کې وروستي سېلابونه چې ډیری خلک یې وژلي، د اقلیمي ناورین سره د افغانستان د زیانمنېدو یادونه کړې ده.
هغه زیاته کړې ده: «د طالبانو او کورنیو ښکېلو غاړو له خوا هم سملاسي مرستو او هم اوږدمهاله پلان جوړنې ته اړتیا ده.»
تېره ورځ بغلان، تخار، بدخشان، سمنګان، هرات او غور ولایتونه د ځپونکو او مرګونو سېلابونو شاهدان وو.
د ورځپاڼې لومړنۍ موندنې ښيي چې د دغو سېلابونو په پایله کې شاوخوا ۲۴۰ کسان مړه شوي دي.
شېبه وړاندې په بغلان کې سیمهییزې سرچینو ورځپاڼې ته وویل چې د تېرې ورځې سېلاب له کبله تر اوسه د دغه ولایت په مرکز او برکه ولسوالۍ کې له ۲۱۰ ډېر کسان مړه شوي دي.
