د امریکا پخوانی ولسمشر او د دغه هېواد ولسمشریزو ټاکنو ته د جمهوريغوښتونکي ګوند نوماند ډونالډ ټرمپ وايي، یوازې دی کولای شي چې د درېیمې نړیوالې جګړې د پېښېدو مخنیوی وکړي.
الجزیرې سهشنبه د سپټمبر پر ۱۷مه، شپهمهال د ټرمپ په حواله راپور ورکړی چې نړۍ اوس د درېیمې جګړې په څنډه کې ده.
هغه زیاته کړې: «نړۍ خامخا د جګړې او ګډوډۍ پر لور روانه ده او یوازې زه په ټاکنو کې د بریالي کېدو په صورت کې کولای شم چې د درېیمې نړیوالې جګړې مخنیوی وکړم.»
د دغه راپور پر بنسټ، د امریکا پخواني ولسمشر یو وار بیا په غونډه کې د ده پر ژوند د وروستي برید هڅه منلې ده.
دا په داسې حال کې ده چې ټرمپ تر دې مخکې د امریکا ولسمشر جو بایډن پر سیاستونو نیوکې کړې وې او په وینا یې، بایډن نړۍ د درېیمې نړیوالې جګړې پر لور روانه کړې ده.
څو ورځې مخګې د امریکا د جمهوريغوښتونکي ګوند نوماند ډونالډ ټرمپ له خپلې ډیموکراټې سیالې کاملا هرېس سره په یوې ټلوېزیوني مناظره کې د اوکراین او اسرائیل جګړې ته په اشارې ویلي و چې که دی ټاکنې وګټي، دا جګړې به پای ته ورسوي.
