په بدخشان ولایت کې سیمهییزې سرچینې وايي چې یو ۳۰ کلن ځوان ځان زندۍ کړی او خپل ژوند یې پای ته رسولی دی.
سرچينې شنبه د چنګاښ پر ۲مه ۸صبح ورځپاڼې ته ویلي چې دې ځوان تېره شپه په کابل ښار کې ځانوژنه کړې ده.
دا ځوان حامد نومېده او د بدخشان د شغنان ولسوالۍ اصلي اوسېدونکی و.
د سرچینې په خبره، حامد په فارياب پوهنتون زدهکړې کولې او په دې وروستيو کې کابل ته راغلى و.
د حامد د ځانوژنې لامل څرګند نه دی.
دا په داسې حال کې ده چې شاوخوا درې اوونۍ مخکې د بدخشان په مرکز فيضاباد ښار کې يوې پیغلې د کورنيو ستونزو له کبله ځانوژنه کړې وه.
پر افغانستان د طالبانو له بیاواکمنېدو را وروسته د اقتصادي او مالي ستونزو لامله د ځانوژنې پېښې ډېرې شوې دي
