په نیپال کې د دوو بسونو له چپه کېدو د دوو ورځو په تېرېدو سره، تر اوسه د ۵۵ سپرلیو د ژوندي پاتې کېدو څرک نه دی لګیدلی.
رویټرز دوشنبه د جولای پر ۱۵ مه، راپور ورکړ چې د جمعې په ورځ په نیپال کې دوه مسافر وړونکي بسونه د غره د ښویېدو په پایله کې چپه شول.
د راپور له مخې، دغه دوه بسونه سیند ته لوېدلي او د نیپال د پولیسو په وینا، د هغو د سپرلیو د ژوندي پاتې کېدو هیله نشته.
د دغه هیواد پولیس چارواکو ویلي دي چې کورنۍ یې د خپلو خپلوانو د جسدونو په لټه کې دي.
د يادونې وړ ده، چې د روان زېږدیز کال د جون له نيمايي راهيسې په دغه هېواد کې سختو بارانونو او د ځمکې ښويېدنې له امله څه باندې سل کسان مړه شوي دي.
