په فراه کې سیمهییزې سرچينې وايي چې ناپېژاندو وسلهوالو په دغه ولايت کې يو کس په ډزو وژلى دى.
سرچينې شنبه د چنګاښ پر ۲مه ۸صبح ورځپاڼې ته ویلي چې دا سړى تېره ورځ د فراه د خاکسفید ولسوالۍ اړوند په «خُسفخوالو» کلي کې په ډزو وژل شوى دى.
دا کس دادالله نومېده او تر اوسه د هغه د وژل کېدو لامل نه دی روښانه.
سرچینه زیاتوي چې ناپېژانده وسلهوال د نوموړي کس له وژل کېدو وروسته له سیمې تښتېدلي دي.
طالبانو هم دا پېښه منلې او د څېړنو د پېل خبر يې کړی دی.
په دې وروستيو کې د هېواد د لوېديځې حوزې ولایتونه د جنايي پېښو د زياتوالي شاهدان دي.
په وروستۍ پيښه کې تېره ورځ په بادغيس ولايت کې يو ځوان په دار وځړول شو.
