د ملګرو ملتونو سرمنشي انتونیو ګوترېش، جورجېت ګانیون په کابل کې د یوناما د سیاسي مرستیال په توګه ټاکلې ده.
ملګرو ملتونو سهشنبه د وږي پر ۱۳مه په یوې خپره کړې اعلامیه کې ویلي چې مېرمن ګانیون تر ۲۸ کلونو ډېر په بېلابېلو هېوادونو کې د سولې، بشري حقونو او بشري مرستو په برخه کې کار کړی دی.
نوموړې له ۲۰۱۰ څخه تر ۲۰۱۵ پورې په کابل کې د یوناما د بشري حقونو مدیره وه.
کاناډایۍ ګانیون له ۲۰۲۱ راهیسې د لیبیا په چارو کې د ملګرو ملتونو د سرمنشي ځانګړي استازې او په دغه هېواد کې د بشري مرستو د همغږۍکوونکي په توګه دنده ترسره کړې ده.
تر دې مخکې مارکوس پوتزل په افغانستان کې د ملګرو ملتونو د مرستندویه پلاوي (یوناما) د سیاسي مرستیال په توګه کار کاوه.
