د افغانستان د ملي امنیت پخواني رییس رحمتالله نبیل د ایران او اسراییل ترمنځ جګړو ته په اشارې سره وویل: «موږ په افغانستان کې زده کړل چې د ملتونو له برخلیک سره لوبې سیاست او حل لاره نه، بلکې غمیزه ده.»
نبیل د دوشنبې په ورځ په خپل اېکس کې په دې اړه لیکلي، چې اوسنیو شرایطو ته په کتو سره داسې ښکاري، چې ایډیولوګ له ماتې سره مخ دی او اندېښنه یې دا ده، چې د ایران ستر ملت به د دې ماتې بیه پرې کړي.
هغه دغه څرګندونې په داسې حال کې کړې دي، چې له څو ورځو راهیسې د ایران او اسراییل ترمنځ سخت متقابل بریدونه روان دي، چې د دواړو هېوادونو ترمنځ جګړې د سیمې په امنیت باندې لویه اغېزه لري.
