په افغانستان کې د القاعده شبکې د نویو روزنځایونو د جوړېدو په تړاو د ملګرو متلونو د امنیت شورا د بندیزونو د تحلیل او څارنې ډلې د راپور له خپرېدو وروسته، د طالبانو د ریاستالوزرا سیاسي مرستیال ویلي چې دوی د سیمې او نړۍ د امنیت غوښتونکي دي.
د ارګ په ایکسپاڼه کې راغلي چې دا څرګندونې د طالبانو د رییسالوزرا سیاسي مرستیال مولوي عبدالکبیر نن پنجشنبه د سلواغې پر ۱۲مه پکتیا ته د خپل سفر په لړ کې کړې دي.
نوموړي زیاته کړې چې طالبان د افغانستان د «امن او ثبات» لپاره کار کوي او د سیمې او نړۍ لپاره هم د امن غوښتونکي دي.
هغه د ملګرو ملتونو د امنیت شورا وروستی راپور «ناسم» بللی دی.
د یادونې وړ ده چې د ملګرو متلونو د امنیت شورا د بندیزونو د تحلیل او څارنې ډلې په یوه تازه راپور کې ویلي چې طالبانو له القاعده شبکې سره نژدې اړیکې ساتلې او دې شبکې په افغانستان کې اته نوي روزنځایونه هم جوړ کړي دي.
د دغه راپور پر بنسټ، د القاعده شبکې څلور روزنځایونه په پروان، غزني، لغمان او روزګان کې دي او په پنجشېر کې هم د وسلو یو زېرمتون جوړ کړی دی.
اړوندې لیکنې :
- مولوي عبدالکبیر: طالبان له اروپايي هېوادونو سره د «مثبت تعامل» غوښتونکي دي
- مولوي عبدالکبیر: طالبان په خبرو اترو باور لري
- مولوي عبدالکبیر: افغانستان عصري ښوونیز سیسټم ته اړتیا لري
- مولوي عبدالکبیر: هڅه کوو منځنۍ او سوېلي اسیا د رېل پټلۍ او سړک له لارې ونښلوو
- مولوي عبدالکبیر: د چین همکاري کولای شي په افغانستان کې د مثبتو بدلونونو او اقتصادي ودې لامل شي
- مولوي عبدالکبیر: په ملګرو ملتونو کې دې د افغانستان دایمي څوکۍ طالبانو ته وسپارل شي