د طالبانو د بهرنیو چارو وزیر امیرخان متقي په خپلواکۍ د ۱۰۶مې کلیزې په مناسبت جوړې شوې غونډه کې ویلي چې ګاونډیان باید د افغانستان په اړه «کاږه خوبونه» ونه ويني.
نوموړي ټینګار وکړ چې د نورو هېوادونو لخوا پر افغانستان سیاسي فشارونه او غونډې به د هغوی پر وړاندې بېرته را وګرځي.
متقي د غازي امانالله خان پر ځای د هغه پر ضد څرګندونې وکړې او تور یې ولګاوه چې په خپل وخت کې یې «بېدیني او د ملایانو وژنې» کړې دي.
د هغه په وینا، د افغانستان ازادي باید د تل لپاره وساتل شي او دا ازادي «په ټوپک اخیستل کېږي، ورکول کېږي نه».
