متقاعد امریکایي جنرال سټنلي مک کرېسټل، چې په افغانستان کې یې د نړیوال امنیتي مرستندویه ځواک قومانده کړې، د ټرمپ ادارې له خوا د افغان کډوالو د اېستلو پرېکړه «خواشینوونکې» بللې.
هغه په یو تازه مرکې کې وویل، چې افغان کډوال چې د امریکا سره په همکارۍ کې یې ژوند تېر کړی، باید د ملاتړ څخه بې برخې نه شي.
مک کرېسټل زیاته کړه، چې دا افغانان هغه کسان دي چې د امریکایي ځواکونو سره د خپل حضور پر مهال مرسته کړې، او د هغوی د اېستلو پرېکړه یې د امریکا د ملي ګټو سره په ټکر کې ګڼلې.
د امریکا د کورني امنیت وزارت د تېرې اونۍ په دوشنبې اعلان وکړ، چې د لنډمهاله خوندیتوب پروګرام به د جولای په ۱۲مه پای ته ورسېږي.
وزیره کریسټي نوم د امنیتي شرایطو ښه کېدو او د پروګرام کې د احتمالي ګواښونو شتون د دې پرېکړې لامل وبللی، خو مک کرېسټل د دې اقداماتو په اړه شک لري، چې له افغان کډوالو سره انصاف نه کوي.
