د طالبانو د اقتصاد وزیر قاري دین محمد حنیف د جاپان په ګډون له څو هېوادونو غوښتي، چې دوی د حکومت په توګه وپېژني.
نوموړي ویلي، رسمیت پېژندنه اقتصادي او سیاسي ګټې لري او اوسمهال په افغانستان کې امنیت ښه شوی، چې جاپاني شرکتونو ته د پانګونې ښه فرصتونه برابروي.
سره له دې چې طالبانو پر ښځو ګڼ محدودیتونه لګولي، حنیف باور لري چې د ښځو پر حقونو هېڅ ګواښ نهشته.
خو نړیوالې ادارې او کارپوهان د افغانستان ښځو وضعیت اندېښمن کوونکی بولي او وايي، د طالبانو واکمنۍ له تېرو څلورو کلونو راهیسې د ښځو ژوند له شدیدو محدودیتونو سره مخ کړی دی.
