د بشري حقونو د پخواني کمېسیون مشره، شهرزاد اکبر، وایي چې یوازې ظالمان او فاسدان له ازادو رسنیو وېرېږي.
نوموړې دا څرګندونې وروسته له هغه وکړې چې د افغانستان د خبریالانو مرکز راپور ورکړ، طالبان د تېرو درېیو اوونیو په ترڅ کې اووه خبریالان نیولي دي.
اکبر زیاتوي، هغه واکمني چې پر فساد ولاړه وي، هڅه کوي چې د خلکو غږ چوپ او لاسرسی یې معلوماتو ته بند کړي.
دا څرګندونې په داسې حال کې شوې، چې د طالبانو استخباراتو او امر بالمعروف ځواکونو ګڼ خبریالان بنديان کړي، او د خبریالانو ملاتړو ادارو له طالبانو د بې قیده خوشې کولو غوښتنه کړې ده.
