د طالبانو د امر بالمعروف ریاست له نوو فرمانونو سره سم، په کندهار ښار کې ښځو ته اجازه نه ورکول کېږي چې له کوچنیو خوړنځیو، شېریخخانو او ورته عامو ځایونو څخه استفاده وکړي، کهڅو دا ځایونه جلا خوندي برخې هم لري.
د سیمې دوکانداران وایي چې دا بندیزونه نه یوازې د ښځو پر ازاد تګ راتګ برید دی، بلکې د دوی پر کاروبارونو هم ژور منفي اغېز کوي.
سرچینې وایي، طالبان د ښځو حضور ته حتا په کورنۍ چوکاټ کې هم مشکوک دي، او له هغو کسانو پوښتنې کوي چې ښځینه او نارینه یوځای لیدل کېږي.
دا تازه بندیزونه د طالبانو د پالیسیو دوام ښيي چې له مخکې یې نجونې له ښوونځیو، پارکونو او نور ټولنیزو فعالیتونو راګرځولي، او اوس یې تر خوړنځیو هم محدودې کړې دي.
