د طالبانو بهرنیو چارو وزارت د افغانستان لپاره د نیکاراګوا د غیرمقیم سفیر له اعلان څخه هرکلی کړی دی.
نوموړي وزارت یکشنبه د چنګاښ پر ۳مه په یوې خپرې کړې خبرپاڼه کې لیکلي، په چین کې د دغې ډلې سفارت ته هدایت وکړل شوی چې په بیجینګ کې د نیکاراګوا له سفارت سره نږدې اړیکې ولري.
یاد وزارت د نیکارګوا له جمهوریت سره د دیپلوماتیکو اړیکو رامنځته کېدل مثبت پرمختګ بللی دی.
تازه، نیکاراګوا په چین کې د دغه هېواد سفیر مایکل کمپبل د افغانستان لپاره خپل سفیر ګومارلی دی.
د نږدې درېیو کالو راهیسې هېڅ هېواد د طالبانو رژیم په رسمیت پېژندلی نه دی.
یو شمېر هېوادونه بیا له طالبانو سره نږدې اړیکې پالي.
