په کابل کې طالب سرچینو وايې، د جیف ریګسبي په نوم د امریکايي وګړي مړی یوه نیمه میاشت وړاندې په کابل کې د هغه په استوګنځي کې موندل شوی.
د دوی په وینا تر دې دمه طالبانو او امریکایانو د ریګسبي د مرګ خبر پټ ساتلی. نوموړی افغانستان کې د کانونو تجارت ته لېوال و.
هغه کسانو چې جیف ریګسبي سره یې تماس درلود، افغانستان انټرنشنل ته وویل چې جیف له دریو کالونو راهسې کابل ته تګ راتګ درلود.
دوی همدراز وایی چې جیف غوښتل په افغانستان کې د معادنونو په برخه کې تجارت وکړي.
دغه امریکايي په کابل کې د اوسېدو پرمهال ۳ ځله طالبانو استخباراتو نیولی او بېرته یې خوشی کړی و.
د طالبانو سرچینې وايی چې د جیف ریګسبي مړی د نومبر په ۲۰ مه د کابل په «شهرنو» کې د هغه په استوګنځي پیدا شوی و.
د طالبانو یو ځايي امنیتي مسوول:« مړی یې لس ورځې په کور کې پروت و، چې بیا وروسته طالبان ورغلل او د کور دروازه یې ور ماته کړه.»
طالبانو د جیف ریګسبي مړی د تېر نومبر په ۲۸مه امریکایانو ته سپارلی دی.
دوی دا هم وايي، چې نوموړی په خپل مرګ مړ شوی دی.
جیف ریګسبي د مړه کېدو په اړه په رسمي ډول تر اوسه نه طالبانو او نه هم د امریکا حکومت څه ویلي دي.
د طالبانو د بیا ځلي واک ته رسېدو سره جیف ریګسبي په اېکسپاڼه کې فعال شوی و.
د یوې څېړنې په هکله د هغه یو ټویټ ډېر مشهور شو، چې پکې ویل شوي و، افغانستان کې دیګي بخار کارول د ماشومانو دماغو ته سخت زیان اړوي.
دغه امریکايي وګړي په دوامداره ډول د امریکا له خوا د افغانستان د کنګل شویو پیسو په اړه له معلوماتو سره ځانګړې دلچسپي درلوده.
جیف ریګسبي خپل اخرنی ټویټ د ټاپي پروژې په اړه په ۲۰۲۴ کال د نومبر ۱۸مه نېټه کړی دی او تر هغه وروسته یې بیا بل څه نه دي خپاره کړي.
