د کندهار ځايي سرچينې وايي چې په دغه ولایت کې یوه سړي خپله مېرمن وژلې ده.
سرچینې رسنی ته منلې چې دا پېښه شنبه د وري پر ۴مه له غرمې وروسته د میوند ولسوالۍ په «شاکي» سیمه کې رامنځته شوې ده.
د سرچينې په خبره، دا مېرمن د شپږو ماشومانو مور وه او پر ډزو وژل شوې ده.
سرچینې د دغې مېرمنې د وژنې لامل کورنۍ تاوتریخوالی بللی دی.
د پېښې تورن کس له سیمې تښتېدلی دی.
واک ته د طالبانو له رسېدو ورسته په هېواد کې د بېوزلۍ د خپرېدو او د ښځو حقونو ملاتړ بنسټونو د نشتوالي له کبله د کورني تاوتريخوالي کچه لوړه شوې ده.
د کب پر ۱۷مه هم د کندهار ولایت په خاکریز ولسوالۍ کې یوه سړي خپله مېرمن وژلې وه
